最近好多人都關心我身體脂肪比率同埋我既飲食方法,首先有2樣野我想釐清.第一, 9.5%只係InBody 既體脂率數據,以助監察身體變化,而並非DEXA較貼近真實既數據(我DEXA大約15-16%body fat).第二報導上既餐單並非完整,而我每日大概會攝取2000kcals.我知道唔少朋友都好想瘦身,但係希望大家知道脂肪並非萬惡之源,例如健康女性應該要有15-25%既脂肪, 令脂溶性維他命有效吸收,適量既脂肪亦可以防止受傷。
另外希望大家亦明白運動員同普通人既體脂標準唔同,甚至每個運動/男或女都有各自既標準。的確體重對跳高真係好重要,因為一個跳高運動員要以最輕重量產生最大既力量(weight to power ratio),,所以減少體脂對跳高係有正面幫助。而背後我亦有專業團隊監測身體同埋訓練既狀況, 以健康為大原則去進行營養吸收,以助運動成績有所突破。所以大家如果真係需要減體脂,咨詢營養師度身訂造餐單就係最好既方法.
作為運動員係有責任去傳遞較全面既資訊予公眾。我亦樂意不斷聽取不同既意見,令自己亦令各位得到更專業既運動知識。
Search